Fagarbeidar vatn og avløp

TYSNES KOMMUNE · Uggdalsvegen 301, UGGDAL

<h2>Er du vår nye kollega og medarbeidar?</h2><p><strong>Er du ein praktikar som likar å fikse ting – og som får energi av å sjå at alt fungerer? </strong>Då kan du vere den me ser etter! Me har ledig stilling innan drift og vedlikehald og fagområde: vatn- og avløp. </p><p>Arbeidsoppgåvene vil hovudsakleg vere drift, vedlikehald og tilsyn av kommunale vatn- og avløpsanlegg. Ingen dag er lik, og du får ein jobb med stor variasjon, ansvar og synlege resultat. Vedlikehald blir utført både i eigen regi og ved bruk av rammeavtalar, og du vil sjølv utføra mykje av det praktiske arbeidet, samstundes som du følgjer opp eksterne leverandørar ved behov. </p><p>Stillinga er plassert i eining for drift og vedlikehald og rapporterer til einingsleiar. Eininga har drifts- og vedlikehaldsansvar for kommunale bygg, kyrkjegardar, vegar samt vatn- og avløpssystem. Stillinga er spennande, krevjande og svært variert, med eit tydeleg samfunnsnyttig formål.</p><p>Stillinga inngår i vaktavtale innan områda vatn og avløp, og det er derfor ein fordel om du bur i kommunen.</p><br /><h2>Arbeidsoppgåver</h2><ul><li>Drift, tilsyn og vedlikehald av vatn- og avløpsanlegg.</li><li>Kontroll og overvaking av pumpestasjonar og leidningsnett.</li><li>Feilsøking og reparasjon ved driftsavvik.</li><li>Dokumentajson og rapportering i samsvar med regelverk.</li><li>Delta i større og mindre prosjekt knytte til driftsavdelinga, særleg innan områda vatn og avløp.</li><li>Samarbeide med andre fagområde i eininga for å koordinere aktivitet og styrka tryggleiken i drifta.</li></ul><p>Stillinga inngår i teknisk vaktordning på VA med pt. vakt kvar tredje veke. Vaktordning blir kompensert med 1:5 og overtid på utrykningar.</p><br /><h2>Kvalifikasjonar</h2><p>Du må ha: </p><ul><li>VVS/VA rørlegger. Anna relevant fag-utdanning/erfaring kan bli vurdert som aktuell. </li><li>Relevant erfaring og god praktisk forståing. </li><li>Sertifikat: klasse B </li><li>God norsk framstillingsevne, både skriftleg og munnleg. </li><li>God kunnskap i bruk av data og ulike datasystem for rapportering, kvalitetsarbeid og andre oppgåver. </li></ul><p>Det er ønskeleg med: </p><ul><li>ADK-sertifikat </li><li>AVK (arbeidsvarslingskurs)</li><li>Truckførarbevis </li><li>PE elektrosveise sertifikat</li></ul><p>Kurs og kompetanse kan tilbydast etter avtale.</p><br /><h2>Personlege eigenskapar</h2><p>Me ser etter deg som: </p><ul><li>har praktisk sans og interesse for faget.</li><li>er strukturert og fleksibel når kvardagen byr på overraskingar.</li><li>har vilje til fagleg utvikling og er god på HMT.</li><li>er sjølvstendig, løysingsorientert og likar å ta ansvar.</li><li>har gode samarbeidsevner og positive haldningar.</li></ul><p>Personlege eigenskapar vert tillagt stor vekt. </p><br /><h2>Kvifor skal du jobba hos oss?</h2><p>Hos oss vil du få høve til å arbeide med eit viktig og krevjande samfunnsoppdrag. Du blir ein del av eit kunnskapsrikt og godt arbeidsmiljø, der vi er opptekne av kunnskapsdeling og kompetanseheving. </p><p>Normal abeidstid i drift- og vedlikehaldsavdelinga er mandag-fredag frå kl 07.15-15.00. Stillinga har fleksitid med ytre ramme mellom 07.00-20.00. For tilsette i vaktordning på VA, har ein fast tilsynsoppdrag på laurdagar den veka ein har vakt. Tilsynsoppgåva inngår i samla årstimetal. </p><p>Tilsetting hos oss gir deg medlemskap i KLP - Kommunal Landspensjonskasse. Det betyr mellom anna at du får ei av dei beste pensjonsordningane i Noreg, og dessutan moglegheit til å søke om bustadlån med gunstige vilkår. Les meir på KLPs nettsider. </p><p>Du blir tilsett i fagarbeidarstilling, med lønsplassering i kapittel 4 i det kommunale regulativet. Ansiennitetstrinna går her frå 0-16 år. Lønna blir justert årleg gjennom sentrale forhandlingar. Somme år blir det gjennom dei sentrale forhandlingane også tildelt ein pott til lokale justeringar. </p><p>I Tysnes kan du få inntil kr 25 000 i årleg avskriving av studielånet ditt frå og med 2026. Som arbeidstakar og busett i ein distriktskommune kan du ha rett til å få sletta delar av studielånet gjennom <a href="https://lanekassen.no/nb-NO/gjeld-og-betaling/sletting-av-gjeld-i-utvalgte-kommuner/" rel="nofollow">Lånekassen si nye ordning for distriktskommunar. </a><br /><br />Synest du stillinga verkar spennande, eller har du spørsmål? Ta gjerne kontakt med kontaktpersonane som står oppført i annonsen. </p><br /><h2>Informasjon til søkar</h2><p>Søkar har sjølv ansvar for å laste opp alle relevante vedlegg innan søknadsfristen. For at søknaden skal bli vurdert, må du legge ved dokumentasjon på utdanning og arbeidserfaring, som vitnemål og tenestebevis/arbeidsattestar. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må du laste opp attesterte omsettingar.</p><p>Ønske om unntak frå den offentlege søkarlista blir vurdert etter reglane i offentleglova. Søkarar som ber om slikt unntak, blir varsla dersom ønsket ikkje kan takast til følge.</p><p>Tysnes kommune ønsker å spegle mangfaldet i befolkninga i rekrutteringa vår. Me oppmodar alle kvalifiserte kandidatar til å søke ledige stillingar uavhengig av kjønn, alder, funksjonsnedsetting eller fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønsker å legge til rette for ei inkluderande rekruttering.</p><br />