Helsefagarbeidar 70 % stilling

ALVER KOMMUNE · Kvernhusmyrane 18, ISDALSTØ

<h2>Kort om stillinga</h2><p><strong>Vil du gjere ein viktig forskjell – også når andre søv?</strong></p><p>Vi har no ei ledig 70 % stilling som våken nattevakt i bufellesskap i Knarvik. Som nattevakt bidreg du til tryggleik, ro og gode tenester for bebuarane gjennom natta.</p><p>Stillinga er knytt til både Bjørkhaugen bufellesskap og Kvernhusmyrane bufellesskap. De er to nattevakter på jobb kvar natt, éin i kvart hus, og samarbeider ved behov. Vaktene er for tida på mellom 9 og 10 timar.</p><p>Dette er ei meiningsfull stilling for deg som er trygg, sjølvstendig og trivst med ansvar.</p><br /><h2>Om avdelinga</h2><p>Bjørkhaugen bufellesskap og Kvernhusmyrane Bufellesskap ligg sentralt i Knarvik, og er heimen til 12 personar med ulik grad av funksjonshemming. Bustadene er døgnbemanna, og vi arbeider for å gje tenester av høg kvalitet og ein best mogleg kvardag for kvar einskild bebuar.</p><br /><h2>Arbeidsoppgåver</h2><ul><li>Gje trygg og fagleg god oppfølging til tenestemottakarane gjennom natta.</li><li>Utføre direkte miljøarbeid og handtere uventa situasjonar på ein roleg og profesjonell måte.</li><li>Ha ansvar for legemiddelhandtering i tråd med gjeldande rutinar og delegasjon.</li><li>Følgje opp vedtak etter kapittel 9 og kapittel 4, og sikre at tiltaka vert gjennomførte på ein forsvarleg måte.</li><li>Bidra til god tenestekvalitet og eit godt omdømme gjennom respektfull og god service.</li><li>Følgje lokale retningslinjer og arbeidsinstruksar for nattarbeid.</li><li>Dokumentere relevant informasjon og hendingar i Profil.</li></ul><br /><h2>Kompetanse</h2><ul><li>Autorisasjon som helsefagarbeider </li><li>God norsk skriftleg og munnleg formidlingsevne</li><li>Det er eit føremon at du har kurs i legemiddelhåndtering </li></ul><br /><h2>Kven er du?</h2><ul><li>Du har evne til å foreta faglige vurderinger og utvise godt skjønn. Me ynskjer deg som er engasjert, fleksibel og har erfaring frå brukargruppa. </li><li>Du har erfaring frå arbeid med personar med utviklingshemming, somatiske plager og adferd som utfordrar.</li><li>Du har høg etisk bevissthet og evne til kritisk refleksjon.</li><li>Du trivs med å arbeide sjølvstendig og bidrar til eit godt arbeidsmiljø. </li><li>Du har eit ønskje om å gjera ein positiv forskjell i andre sitt liv. </li></ul><br /><h2>Vi tilbyr</h2><ul><li>Interessante faglege utfordringar i eit godt arbeidsmiljø</li><li>Årsturnus </li><li>Tilsetjing i samsvar med gjeldande lov- og avtaleverk:<br />Helsefagarbeidar: kr. 475 300 - 551 100</li><li>Gratis parkering</li><li>God pensjonsordning i KLP</li></ul><br /><h2>Politiattest</h2><p>I tråd med helse- og omsorgstenestelova § 5-4 vert det stilt krav om tilfredsstillande politiattest ved oppstart.</p><br />