Brenner du for å gjere ein forskjell for menneske som få andre ser?
Høyanger kommune Psykisk helseteam · August Gunnarskogs gate , HØYANGER
<p>Vaffelhjarte er eit kunnskapsbasert, recoveryorientert dagaktivitetstilbod for brukarar i rus- og psykiatritenesta i Høyanger kommune. Vi driv det lokale industrimuseet, har lett kafédrift, kreative aktivitetar og skaper meining i kvardagen for brukarar av tenesta – og vi har lyst til å gjere meir.</p><p>På Vaffelhjarte blir du ein del av psykisk helseteam. Du kjem til å planleggje aktivitetar på eiga hand, stå i situasjonar åleine og ta faglege avgjerder utan at nokon ser deg over skuldra. Du må like det – og du må kjenne godt nok etter til å vite når du skal be om hjelp.</p><p>Du er likevel ein del av eit team der vi hjelper kvarandre, tek tak i ting med ein gong og ikkje let nokon stå åleine i ei tung sak. Du får rettleiing og kollegaer som veit kva du står i.</p><p>Vi søkjer etter ein ny kollega i ei fireårig prosjektstilling som vil vere med på å utvikle tilbodet vidare. Arbeidstida er hovudsakleg på dagtid, men den som blir tilsett, må rekne med arbeid på ettermiddag, kveld og helg etter avtale og i samband med aktivitetsbaserte tilbod.</p><h3><strong>Om stillinga</strong></h3><p>Dette er ikkje ei stilling der du tek over ei ferdig oppskrift. Vi har eit tilbod som fungerer godt, og vi har ambisjonar om å utvide dette – fleire aktivitetar, fleire opne dagar og fleire menneske som får bruke Vaffelhjarte. Nøyaktig kva det skal bli, er ikkje bestemt.</p><p>Vi ser etter nokon som har lyst til å vere med og bestemme det. Som ser kva som manglar, kjem med nye forslag og klarer å ta det heile vegen frå idé til noko som faktisk står i kalenderen neste veke.</p><p>Har du ein aktivitet du har hatt lyst til å prøve ut lenge, er dette ein stad der du får sjansen.</p><h3><strong>Arbeidsoppgåver</strong></h3><ul><li>Ta initiativ til, utvikle og gjennomføre nye aktivitetar og verkstader</li><li>Dagleg drift av kaféen – matlaging, service, sal og rutinar</li><li>Miljøterapeutisk arbeid i eit ope og uformelt miljø</li><li>Tilretteleggje arbeidsoppgåver for deltakarar i arbeidstrening og følgje opp utviklinga</li><li>Naturbaserte aktivitetar, turar og fysisk aktivitet, inkludert å køyre deltakarar på tur</li><li>Samarbeid med kommunale samarbeidspartnarar, NAV, fastlege, spesialisthelsetenesta og pårørande</li></ul><h3>Vi ser etter deg som: </h3><ul><li>Tek initiativ – ser kva som manglar og set det i gang</li><li>Er trygg og roleg og møter folk med venlegheit og respekt</li><li>Seier ifrå om det som er vanskeleg, framfor å la det liggje og gro</li><li>Er løysingsorientert og fleksibel i høve drifta og når dagen ikkje blir som planlagt</li><li>Held deg til rutinar når det gjeld, særleg i situasjonar der det er freistande å handle på magekjensla</li><li>Du interesserer deg for friluftsliv, trening eller friluftsterapi</li></ul><h2> Kvalifikasjonskrav:</h2><ul><li>Treårig relevant helse- eller sosialfagleg høgskuleutdanning – fortrinnsvis sjukepleiar, vernepleiar, sosionom eller tilsvarande</li><li>Det er ein føremon med vidareutdanning eller spesialisering innan psykisk helse- og rusarbeid</li><li>Det er ein føremon med erfaring frå miljøterapeutisk arbeid, rus og psykiatri, arbeidsinkludering eller arbeidstrening</li><li>Førarkort klasse B (fortrinnsvis manuelt gir), og det er ønskjeleg med D1</li><li>Gode norsk- og engelskkunnskapar</li><li>Den som blir tilsett, må levere godkjend politiattest før oppstart</li></ul><h3><strong>Kvifor søkje hos oss?</strong></h3><ul><li>Interessante, viktige og varierte oppgåver med høve til å påverke eigen arbeidsdag</li><li>Fast rettleiing og moglegheit for fagutvikling</li><li>Godt og støttande arbeidsmiljø med kollegaer som kan faget</li><li>Gode pensjons- og forsikringsordningar</li><li>Lønn etter tariff. Nyutdanna sjukepleiar/vernepleiar startar på 8 års ansiennitet. Lokalt tillegg på kr 15 000 ved 16 års ansiennitet</li></ul><h3><strong>Høyanger som bu- og arbeidsområde</strong></h3><p>Høyanger kommune har store moglegheiter innan det grøne skiftet og sirkulærøkonomi. Industristaden Høyanger har rein, fornybar vasskraft og infrastruktur med toppmoderne industrianlegg.</p><p>Vi satsar på kultur og folkehelse, og vi dyrkar samspelet mellom det profesjonelle, kommunen og dei frivillige. Vi jobbar for å skape eit inkluderande og aldersvenleg samfunn, med fokus på universell utforming og gode møteplassar.</p><p>Vi har som mål å styrkje attraktiviteten til kommunen og sikre at det er godt å bu, besøkje og drive næring i heile kommunen.</p><p><strong>Her kjem du inn i bildet!</strong></p><h3><strong>Kvifor Høyanger?</strong></h3><ul><li>Stor aktivitet innan næringslivet, med fokus på det grøne skiftet og sirkulærøkonomi</li><li>Eit rikt lag- og organisasjonsliv</li><li>Fokus på samskaping og samarbeid</li><li>Toppmoderne treningssenter, ski- og turløyper, idrettsanlegg og mykje meir</li></ul><p>Lurer du på kva du kan gjere på fritida i Høyanger kommune?</p><p><a href="https://hoyanger.friskus.com/events" rel="nofollow">https://hoyanger.friskus.com/events</a></p><p> </p><p> </p> <br /> Link til søknadsskjema: <a href="https://hoyanger.easycruit.com/vacancy/application/3660275/252839?channel=NavRest&iso=nn" rel="nofollow">Søk her</a>