Sommar- og tilkallingsvikarar

BUFETAT MIDT-NORGE BEDRIFTSIDRETTSLAG · Kompani lingesvei 23 , HAFRSFJORD

<h2>Om stillinga og arbeidsstaden</h2><p>Stavanger akuttsenter har to akuttinstitusjonsavdelingar for ungdom mellom 13 og 18 år, lokaliserte på Madla (5 plassar) og Røyneberg (3 plassar). Vi søkjer no etter sommar- og tilkallingsvikarar. Er du under utdanning, har ein relevant bachelorgrad, eller har erfaring frå liknande arbeid, bør du ta ein kikk på denne annonsen!</p><p>Hos oss vil du få ein variert og spennande arbeidskvardag. Vi jobbar etter eit felles fagleg rammeverk som byggjer på grunnleggjande miljøterapi, og har som målsetjing å skape positiv utvikling gjennom trygge relasjonar, tydelege rammer og støtte til å regulere tankar, kjensler og åtferd.</p><p>Som sommar-/tilkallingsvikar hos oss får du bidra til å gi ungdom tryggleik, struktur og omsorg. Du blir ein viktig vaksen i kvardagen til barna, og får bli ein del av eit dedikert fagmiljø som tek samfunnsoppdraget på alvor og jobbar målretta for å skape stabile og utviklande rammer.</p><p>Avdelingane har turnus som omfattar dag- og kveldsvakter (8–16 timar), nattevakter samt statleg langturnus (2–7, 2–7, 3–7).</p><br /><h2>Arbeidsoppgåver</h2><p><strong>Arbeidsoppgåvene vil mellom anna bestå av:</strong></p><ul><li>å bidra til at ungdommane våre får ein trygg og stabil kvardag</li><li>planlegging og gjennomføring av miljøterapeutiske tiltak og aktivitetar</li><li>dokumentasjon</li><li>praktiske gjeremål ved eininga</li></ul><p>Stillinga kan òg bli tillagd andre relevante oppgåver ved behov.</p><br /><h2>Kva slags bakgrunn har du?</h2><p><strong>For å arbeide som sommar-/tilkallingsvikar hos oss må du oppfylle minst eitt av følgjande krav:</strong></p><ul><li>ha gjennomført bachelorgrad eller tilsvarande 180 studiepoeng innan relevante fagområde</li><li>vere i gang med treårig relevant høgskule-/universitetsutdanning</li><li>ha gjennomført treårig vidaregåande skule, eller ha fagbrev som omsorgsarbeidar eller barne- og ungdomsarbeidar, og ha minst tre års relevant arbeidserfaring frå barnevernsinstitusjon, andre barnevernstiltak med døgnbemanning eller tilsvarande omsorgstiltak i døgnbaserte tenester</li></ul><p><strong>I tillegg må du ha:</strong></p><ul><li>god skriftleg og munnleg framstillingsevne på norsk</li><li>gode IT-ferdigheiter</li><li>førarkort klasse B</li><li>fysisk og psykisk helse som er foreinleg med krava til tryggleik og sikkerheit i barnevernsinstitusjon</li></ul><br /><h2>Personlege eigenskapar</h2><p>Vi ser etter deg som trivst med å vere tett på ungdom, og som forstår at omsorg og tryggleik blir skapte i alle møte og situasjonar. Du er tydeleg og trygg i rolla, har evne til å setje grenser og stå i dei, og samarbeider godt med andre som ein del av eit team.</p><p>Du er engasjert og kreativ, har lyst og pågangsmot til å bidra til meiningsfulle aktivitetar saman med ungdommane om sommaren, og er samstundes initiativrik og merksam på kva som trengst i kvardagen. For oss er det viktig at du passar godt til rolla som sommar- og/eller tilkallingsvikar, og personleg eignaheit vil derfor bli tillagd stor vekt i den samla vurderinga.</p><br /><h2>Kva får du hos oss?</h2><p>Stillingane er plasserte i det statlege lønnsregulativet i stillingskode 1489 miljøterapeut, p.t. kr 490 000 – 640 000 per år. Andre brukarrette fagspesifikke stillingskodar med same lønsplassering kan nyttast i samsvar med det statlege lønnsregulativet og lokal lønspolitikk for Bufetat. Dersom du i tillegg har minst 60 studiepoeng relevant vidareutdanning, vil stillingskodane 1185, 1509, 1510 og 1534 vere aktuelle, p.t. kr 540 000 – 690 000 per år.</p><p>Dersom du ikkje har relevant bachelorutdanning, vil du bli plassert i stillingskode 1486 miljøarbeidar, 1488 miljøterapeut eller 1203 fagarbeidar med fagbrev, p.t. kr 420 000 – 560 000 per år.</p><p>I tillegg kjem turnuskompensasjon i samsvar med tariffavtalane i staten. Lønsplassering og stillingskode blir vurderte ut frå utdanning og erfaring.</p><p><strong>Vi kan òg tilby:</strong></p><ul><li>medlemskap i Statens pensjonskasse med gode låne-, pensjons- og forsikringsordningar (http://spk.no). Frå lønna blir 2 % pensjonsinnskot trekte</li><li>gode samarbeidsrelasjonar, samt dyktige og motiverte medarbeidarar</li><li>eit engasjert og godt fagleg miljø der du vil ha gode støttespelarar i arbeidskvardagen</li><li>deltaking i teamarbeid med terapeutar og leiing</li><li>gode moglegheiter for fagleg og personleg utvikling</li><li>gratis parkering ved eininga</li></ul><p>I tillegg til dette får du vere med på å løfte oss slik at vi kan gi barn, ungdom og familiar eit endå betre tilbod, og det meiner vi har stor verdi i seg sjølv.</p><br /><h2>Opplysningar til deg som søkjer</h2><ul><li>Vi søkjer etter dei beste hovuda uavhengig av kulturell bakgrunn, alder, hol i CV eller funksjonsevne, og oppmodar alle kvalifiserte kandidatar til å søkje jobb hos oss.</li><li>Stillinga er for tida lagd til Stavanger akuttsenter.</li><li>Politiattest må leggjast fram ved tilsetjing, jf. lov om barnevern § 12-11 andre ledd, og forskrift om politiattest § 7. Denne attesten skal ikkje leggjast ved søknaden.</li><li>Du kan be om å ikkje bli oppført på den offentlege søkjarlista. Dette må i så fall grunngjevast. Vi kontaktar deg dersom ønsket ditt ikkje blir teke til følgje.</li><li>Prøvetid i samsvar med Statens personalhandbok.</li><li>Du må oppgi minimum to referansar av fagleg relevans og nyare dato.</li><li>Sjølv om det er sett ein konkret søknadsfrist, vil vi intervjue og rekruttere kvalifiserte søkjarar fortløpande.</li></ul><p>Opplever du tekniske utfordringar når du fyller ut søknaden, tilrår vi at du tek kontakt med teknisk support hos Grade Jobbnorge.</p><br /><h2>Kva skal søknaden din innehalde?</h2><p>Søknad med CV skal sendast elektronisk via lenkje på denne sida.</p><p>For å bli vurdert som søkjar, må du leggja ved relevante vitnemål og attestar med stadfesta stillingsstorleik. Vitnemål for utdanning teke i Noreg skal lastast opp frå Vitnemålsportalen. Har du utdanning frå utlandet må du leggja ved godkjenning frå Direktoratet for høgare utdanning og kompetanse. </p><p>Ber også om at du legger inn kopi av fysisk førarkort, samt skjermbilde av kontrollbildet på digitalt førarkort eller skjermbilde av førarkortstatus på vegvesenet.no.</p><br />