ID 1070 – sakshandsamar/ driftsoperatør vatn og avlaup – 100% fast stilling

Fitjar Kommune vatn og avlaup · FITJAR

Fitjar kommune søkjer ein allsidig sakshandsamar/driftsoperatør Etaten Samfunnsutvikling og drift har ansvar for drift, vedlikehald og vidareutvikling av kommunen sine vass- og avlaupstenester. Fitjar kommune står framfor store investeringar og ei omfattande fornying av VA-infrastrukturen, mellom anna bygging av nytt høgdebasseng, etablering av reservevassløysing og utskifting av leidningsnett. No søkjer me ein engasjert og allsidig sakshandsamar som vil vera med på å utvikla og forvalta ei av dei viktigaste tenestene i kommunen. Stillinga høyrer til VA-avdelinga, som består av tre årsverk i tillegg til einingsleiar. Arbeidsoppgåver vil mellom anna vera: <ul><li> Handsaming av vassmålarsaker </li><li> Handsaming av søknader om sanitærabonnement </li><li> Handsaming av røyrleggjarmeldingar </li><li> Handsaming av saker etter vass- og avlaupsanleggslova </li><li> Handsaming av gebyrsaker og ajourføring av digitale register </li><li> Innmåling av VA-nett og ajourføring av VA-kartbasen </li><li> Kontroll av resultat av vassprøver både for vatn, avlaup og bassengvatn </li><li> Lekkasjesøk </li></ul> VA-avdelinga er lita, og som tilsett må du rekna med å bidra til praktiske driftsoppgåver ved behov. Den som vert tilset, må gjennomføra grunnutdanning for driftsoperatørar innan vatn og avlaup, og vil få god kjennskap til den praktiske drifta av anlegga. Stillinga inngår i kommunen si tekniske vaktordning. Vaktordninga er felles for driftsavdelinga og VA-avdelinga, og inneber roterande vekesvakt, inkludert helger, knytt til kommunale bygg og vassverk. Kvalifikasjonar <ul><li> Teknisk fagskule eller fagbrev innan relevant handverksfag, gjerne VA-fag eller røyrleggjarfag. Lang relevant erfaring vil i visse tilfelle kunna kompensera for manglande utdanning. </li><li> Førarkort kl BE. Viss søkjar ikkje har BE frå tidlegare, må dette takast innan eit år etter tiltreding i stillinga. </li><li> God skriftleg formidlingsevne. </li><li> Gode datakunnskapar og interesse for digitalisering. </li><li> Kjennskap til regelverket kring vatn og avlaup er ein føremon. </li><li> Interesse, vilje og evne til å læra deg dei delane av faget som du eventuelt ikkje har kjennskap til frå tidlegare. </li><li> Evne til å arbeida sjølvstendig. </li></ul> Erfaring med drift av VA-nett er ein føremon. Me kan tilby <ul><li> Spanande og meiningsfylte arbeidsoppgåver innanfor eit viktig samfunnsområde </li><li> Godt arbeidsmiljø med engasjerte medarbeidarar </li><li> God offentleg pensjonsordning </li><li> Stilling i ei inkluderande arbeidslivsverksemd (IA -verksemd) </li></ul> Dersom søkjaren ynskjer å verta unnateken frå den offentlege søkjarlista, må dette spesifiserast og grunngjevast i søknaden. Opplysningar om søkjaren kan verta gjorde offentlege sjølv om søkjaren har oppmoda om å ikkje verta ført opp på søkjarlista. Deling av søkjarlista med medsøkjarar er ikkje å rekna som offentleggjering. Dersom oppmodinga ikkje vert teken til følgje, skal søkjaren varslast om dette. For nærare informasjon om stillinga, ta kontakt med einingsleiar tekniske tenester Magne Træet, tlf 918 19 487.