Landbrukssjef

Lom og Skjåk Landbrukskontor · Moavegen 30, SKJÅK

<h2>Skjåk kommune har ledig inntil 100% fast stilling som landbrukssjef frå mars 2027. Stillinga er for tida ved landbrukskontoret for Lom og Skjåk.</h2> <p>Vil du leie og vidareutvikle landbruksforvaltninga i fjell-Noreg? Vi søkjer ein framtidsretta, samlande og fagleg trygg landbrukssjef som vil gjere ein forskjell for landbruket, utmarka og lokalsamfunnet i Lom og Skjåk. Du får ansvar for fag, drift og utvikling av landbrukskontoret -- og du blir ein viktig rådgjevar for administrasjon og politisk nivå i begge kommunane. Du vil arbeide i ei meiningsfull stilling med stor samfunnsverdi, der du vil få gode moglegheiter for fagleg utvikling, stor påverknad og nær kontakt med næringa.</p> <h2>Arbeidsoppgåver</h2> <ul><li> <p>Leie og utvikle landbrukskontoret, med ansvar for fag, medarbeidarar, kvalitet og ressursar.</p> </li><li> <p>Saksbehandling, rettleiing og forvaltning etter jordlova, konsesjonslova, skogbrukslova og tilhøyrande forskrifter.</p> </li><li> <p>Forvaltning og kontroll av tilskotsordningar (t.d. produksjonstilskot, RMP og SMIL-midlar) i tråd med nasjonale føringar og i samspel med statsforvaltaren.</p> </li><li> <p>Bidra i plan- og bygningssaker og saker om naturmangfald og motorferdsel i utmark.</p> </li><li> <p>Rådgjeving i areal- og næringsutvikling, og tett dialog med næringa, næringsorganisasjonar og regionale/statlege styresmakter.</p> </li><li> <p>Saksbehandling for tildelingar innanfor ansvarsområde for næringsfondet til Skjåk kommune</p> </li></ul> <p>Tenesta og oppgåvene er i stadig utvikling, og den som blir tilsett må vere førebudd og open for endring i oppgåver og ansvarsområde.</p> <h2>Kvalifikasjonar</h2> <ul><li> <p>Høgare relevant utdanning, (minst bachelor), fortrinnsvis innan landbruk. Høgare utdanning innan skog-, miljø- eller naturressursforvaltning kombinert med tidlegare leiarerfaring kan kompensere for manglande utdanning innan landbruk.</p> </li><li> <p>Erfaring med offentleg saksbehandling og kjennskap til forvaltningslova og offentleglova vil vere ein fordel.</p> </li><li> <p>God skriftleg og munnleg framstillingsevne. Kommunen har nynorsk som administrasjonsspråk</p> </li><li> <p>Førarkort klasse B.</p> </li></ul> <h2>Vi vektlegg at du</h2> <ul><li> <p>har leiarerfaring og/eller personalansvar frå offentleg forvaltning</p> </li><li> <p>har erfaring frå saksfelt som jord-, skog-, plan- og bygningssaker</p> </li><li> <p>har erfaring knytt til arbeid med naturmangfald, samt tilskotsforvaltning og digitale fagsystem (t.d. eStil PT).</p> </li><li> <p>har kjennskap til klima- og energiarbeid i kommunal sektor</p> </li><li> <p>har kjennskap til næringsutvikling knytt til landbruk og utmark</p> </li><li> <p>har god digital kompetanse, og at du ser moglegheiter i digitalisering og utvikling av gode system </p> </li><li> <p>er ein tydeleg og inkluderande leiar som prioriterer, involverer og skapar retning</p> </li><li> <p>har god vurderingsevne, struktur og gjennomføringsevne</p> </li><li> <p>har evne til å bygge tillit og godt samarbeid med næringa, fagmiljø og politiske organ</p> </li><li> <p>trivst med høgt aktivitetsnivå og menneske rundt deg i jobbkvardagen </p> </li></ul> <p><em>Personlege eigenskapar vil bli vektlagt.</em></p> <h2>Vi tilbyr</h2> <ul><li> <p>Tilsetting på kommunale vilkår med løn etter avtale</p> </li><li> <p>Pensjonsordning i KLP</p> </li></ul> <h2>Søknadsfrist 04.10.2026</h2> <ul><li> <p>Elektronisk søknadsskjema</p> </li><li> <p>Søkjarlista vil bli offentleggjort. Skjåk kommune praktiserer meiropenheit ved tilsetjingar. Dette inneber at du som søkjar må grunngje særskilt om du ønskjer unntak frå offentlegheit. </p> </li></ul> <h2>Vil du vite meir om oss?</h2> <ul><li> <p>Du finn også meir informasjon om kommunen og livet i bygda på nettsidene våre Sats på Skjåk og Skjåk kommune.</p> </li><li> <p>Tilflyttarkonsulenten kan hjelpe deg med bustad, informasjon om arbeid, barnehage, skule og fritidstilbod -- og leggje til rette dersom du ønskjer å prøvebu i Skjåk. </p> </li><li> <p>Ta kontakt med Heidrun Israelsen, prosjektleiar for Sats på Skjåk (tlf. 994 27 902).</p> </li></ul> <h2>Sletting av studielån</h2> <ul><li>Er du busett i Skjåk og i arbeid, kan du få sletta opptil 25 000 kroner av studielånet ditt kvart år. Les meir om ordninga på lanekassen.no</li></ul>