Rektor / Einingsleiar

SVEIO KOMMUNE · Sveiogata 70, SVEIO

<h2>Om stillinga</h2><p>Sveio kommune lyser ut ei spennande stilling som rektor/einingsleiar ved Vikse skule.</p><p>Vikse skule ligg om lag 14 km frå Haugesund sentrum. Inneverande skuleår har skulen seks klassar på 1.–7. trinn, med til saman 82 elevar.</p><p>Som rektor ved Vikse skule får du leie ein barneskule i ein krins i utvikling, saman med 19 dyktige og motiverte medarbeidarar. Du blir ein del av skuleleiargruppa i kommunen og får ei sentral rolle i å drive og vidareutvikle skulen både fagleg, pedagogisk og organisatorisk.</p><p>Saman med dei andre skulane i Sveio arbeider Vikse skule i tråd med satsingsområda i kommunen sin kvalitetsutviklingsplan. Skulen har eit aktivt utviklingsarbeid med vekt på praktisk og variert opplæring, mellom anna gjennom bruk av uteområde og nærmiljø. To-lærar i norsk, matematikk og engelsk skal styrkje den tilpassa opplæringa og bidra til at flest mogleg elevar får eit inkluderande tilbod i klassen. Skulen satsar òg på lesing, varierte læremiddel og utprøving av valfag på mellomsteget for å fremje elevmedverknad og samarbeid på tvers av trinn.</p><br /><h2>Arbeidsoppgåver</h2><ul><li>leie og vidareutvikle Vikse skule som ein trygg, inkluderande og lærande organisasjon</li><li>vere skulen sin faglege og pedagogiske leiar, med elevane si læring, utvikling og trivsel i sentrum</li><li>leie det pedagogiske utviklingsarbeidet i tråd med kommunen sin kvalitetsutviklingsplan og skulen sine prioriterte satsingar</li><li>ha ansvar for personalleiing, kompetanseutvikling, arbeidsmiljø og samarbeid med tillitsvalde</li><li>ha delegert ansvar for budsjett, økonomi og forsvarleg drift av eininga</li><li>sikre godt samarbeid med elevar, føresette, tilsette, kommunen og relevante samarbeidspartnarar</li><li>følgje opp arbeidet med eit trygt og godt skulemiljø, og sikre at skulen arbeider i tråd med gjeldande lovverk og regelverk</li></ul><br /><h2>Kvalifikasjonar</h2><ul><li>godkjend pedagogisk utdanning og undervisningskompetanse</li><li>undervisningserfaring frå skule</li><li>relevant leiarerfaring, gjerne frå skule</li><li>leiarutdanning er ønskjeleg. Søkjarar utan leiarutdanning må vere villige til å ta slik utdanning</li><li>erfaring med, eller god forståing for, personalleiing, budsjett- og økonomiarbeid</li><li>god kjennskap til skulen sitt samfunnsoppdrag og relevant lov- og regelverk</li><li>god munnleg og skriftleg framstillingsevne på norsk</li></ul><br /><h2>Personlege eigenskapar</h2><p>Vi søkjer rektor / einingsleiar som </p><ul><li>er ein tydeleg og trygg pedagogisk leiar som set elevane si læring, utvikling og trivsel i sentrum</li><li>kan forvalte skulen sine ressursar slik at dei støttar god opplæring og eit inkluderande læringsmiljø</li><li>er utviklingsorientert og nyttar forsking, erfaringskunnskap og kunnskap om eigen praksis i utviklingsarbeidet</li><li>evnar å leie gode utviklingsprosessar og involvere elevar, medarbeidarar og føresette</li><li><p>byggjer tillit, skaper engasjement og bidreg til ein felles kultur for læring og utvikling</p><p>Personleg eignaheit vil bli vektlagd</p><p><strong>Andre opplysningar:</strong></p><p>Godkjent politiattest må leggjast fram før ein tek til i stilling</p></li></ul><br /><h2>Vi tilbyr</h2><ul><li>utfordrande og varierte arbeidsoppgåver</li><li>eit utviklingsorientert og støttande skulekontor</li><li>gode støttefunksjonar innan økonomi og personal</li><li>leiar- og rektorsamlingar med vekt på fagleg utvikling, leiarskap, erfaringsdeling og samarbeid</li><li>eit godt rektorkollegium prega av profesjonalitet, samhald og openheit</li><li>løn etter avtale</li><li>gode pensjons- og forsikringsordningar</li></ul><br />