I BFD er det ledig stilling som kommunikasjonsrådgivar med ansvar for sosiale medium

BARNE- OG FAMILIEDEPARTEMENTET · Postboks 8036 dep, OSLO

<h2>Om stillinga</h2><p>Vi ser etter deg som er samfunnsengasjert og som ønskjer å jobbe med kommunikasjon i skjeringspunktet mellom fag og politikk. Stillinga vil ha ansvar for departementets innhald i sosiale medium, og delta i ein felles redaksjon for regjeringas sosiale medium. I tillegg inneber jobben å ta del i dei mange løpande strategiske og operative oppgåvene i Kommunikasjonseininga. Vi er til saman seks medarbeidarar i Kommunikasjonseininga, som gir faglege og strategiske kommunikasjonsråd til politisk leiing og departementet. Arbeidet er kjenneteikna av eit høgt tempo, varierte oppgåver og eit hyggeleg arbeidsmiljø.</p><p><strong>Arbeidsoppgåvene vil i hovedsak vere å</strong></p><ul><li>produsere, redigere og publisere innhald som video, foto, nyheitsgrafikk og nyheitssaker for sosiale medium og digitale kanalar </li><li>jobbe med strategi og innhald til departementets og regjeringas sosiale medium </li><li>delta i Kommunikasjonseiningas pressevaktordning </li><li>jobbe med ekstern kommunikasjon og pressearbeid </li><li>jobbe med intern kommunikasjon og intranett</li><li>produsere og publisere innhald for nettsider </li><li>bidra i løpande oppgåver</li></ul><p>Du må rekne med noko arbeid utanfor ordinær arbeidstid, og også noko reising i jobben. Vi ser etter deg som har høg grad av fleksibilitet og er villig til å ta på deg oppgåver innanfor heile ansvarsområdet til Kommunikasjonseininga. Du må ha god kunnskap om sosiale medium og digitale kanalar, og kunne skrive godt på begge målformer og engelsk.</p><br /><h2>Kvalifikasjonar:</h2><ul><li>Utdanning på minimum bachelornivå innan journalistikk, medieutdanning, samfunnsvitskap eller liknande. </li><li>Minimum to års relevant erfaring med kommunikasjonsarbeid, gjerne frå offentleg sektor.</li></ul><br /><h2>Personlege eigenskapar:</h2><ul><li>Gode samarbeidsevner og relasjonelle ferdigheiter, men også evne til å arbeide godt sjølvstendig. </li><li>Evne til å arbeide strukturert og under tidspress med korte fristar. </li><li>Høg grad av fleksibilitet og arbeidsvilje. </li><li>Analytiske ferdigheiter og god vurderingsevne.</li><li>Serviceinnstilt og profesjonell i jobben overfor politisk leiing og departementet.</li></ul><p>Vi ser etter ein lagspelar som tek initiativ og ansvar, og som er fleksibel og serviceinnstilt. Vi vil leggje stor vekt på personlege eigenskapar i tilsetting til stillinga.</p><br /><h2>Vi tilbyr</h2><ul><li>lønn i stillingskode rådgivar, i lønnsspenn frå kr. 610 000 – 700 000</li><li>fleksibel arbeidstidsordning og moglegheit for trening i arbeidstida </li><li>kontor sentralt i Oslo sentrum, rett ved Stortinget t-banestopp. Vi har kantine, bibliotek og treningsrom i bygget </li><li>gode pensjons- og forsikringsordningar gjennom Statens pensjonskasse</li></ul><br /><h2>Andre opplysningar:</h2><ul><li>Vi ber deg leggje ved attester og vitnemål med karakterar når du søkjer. </li><li>At du har søkt på stillinga kan bli offentleggjort. Dette gjeld sjølv om du har oppmoda om å ikkje bli ført på offentleg søkjarliste, jf. offentleglova § 25. Du vil i så fall bli informert før offentleggjeringa og få høve til å trekke søknaden.</li><li>Den som blir tilsett må kunne autoriserast for behandling av informasjon gradert AVGRENSA. Les meir om autorisasjon her:<br />https://nsm.no/fagomrader/personellsikkerhet/sikkerhetsklarering/autorisasjon/.</li><li>BFD samarbeider med Semac for bakgrunnssjekk av aktuelle kandidatar. Bakgrunnssjekken blir utført etter samtykke frå deg som søkjar, og inneber at vi verifiserer CV og anna søknadsinformasjon i samband med tilsettinga.</li></ul><p> </p><p><strong>Har du spørsmål?</strong><br />Ta gjerne kontakt med Kari Westersund. tlf.: 928 56 192, e-post: <a href="mailto:Kari.Westersund@bfd.dep.no" rel="nofollow">Kari.Westersund@bfd.dep.no</a></p><br /><h2>BFD som arbeidsgivar</h2><p>Som arbeidsgivar vil vi spegle mangfaldet i samfunnet. Vi oppmodar derfor alle kvalifiserte kandidatar til å søkje jobb hos oss, uavhengig av bakgrunn. Vi skal sørge for å leggje til rette arbeidsplassen dersom det er behov for det.</p><br />