Spennande prosjektstilling i Naturvernforbundet Sogn og Fjordane

<section id="arb-aapningstekst"> Naturvernforbundet i Sogn og Fjordane, ved fylkesstyret, fire lokallag og over tusen medlemmar, jobbar for å verne den vakre naturen vi har i fjordfylket. Vi søkjer etter ein initiativrik og engasjert medarbeidar og prosjektkoordinator til å drive fram aktivitet i regionen. </section> <section id="arb-serEtter"> <h2>Hva vi ser etter</h2> Ønska kvalifikasjonar: <ul><li> Engasjement og interesse for natur- og miljøvern </li><li> Erfaring frå prosjekt og organisasjonsarbeid, og/eller frivillig arbeid </li><li> Gode norskkunnskapar, både munnleg og skriftleg </li><li> Evne til å jobbe sjølvstendig og strukturert </li><li> God samarbeids- og kommunikasjonsevne </li><li> Grunnleggande forståing for økonomi </li><li> Digital kompetanse og kjennskap til sosiale media </li><li> Ei relevant utdanning er ønskeleg, men erfaring vil kunne vege opp for dette </li><li> Førarkort klasse B og tilgang på egen bil </li></ul> </section> <section id="arb-arbeidsoppgaver"> <h2>Arbeidsoppgaver</h2> Stillinga er ei eittårig prosjektstilling i 50%, der den tilsette vert prosjektleiar for eit av organisasjonen sine prosjekt. Kva prosjekt dette blir vert avklara i intervjuprosessen og i samråd med andre tilsette, der søkjar vil få moglegheit med å kome med ønske. Det er moglegheit for forlenging og/eller utviding av stillinga dersom ein får sikra meir prosjektmidlar i tilsettingsperioden. Det er ønskjeleg med snarleg oppstart. Per no har Naturvernforbundet Sogn og Fjordane følgande prosjekt: <ul><li> Frivillig rydding av marin forsøpling </li><li> Andregongstenesta -- strandrydding med eldre </li><li> PUST SFj -- redusert forbruk og plastbruk </li><li> Skogglede -- inkl. artsklubben i Sunnfjord </li><li> Oppdrag blomstereng </li></ul> (Sjå nettsida vår eller kontakt prosjektansvarleg for meir info om prosjekta) Då mykje av aktiviteten til organisasjonen gjennomførast i samarbeid med frivillige, må ein medrekne noko arbeid på kveldstid og i helger, men hovuddelen av arbeidet vil vere innanfor normal kontortid. I tillegg til prosjektarbeid vil den tilsette òg få høve til å ha ei rolle i det andre arbeidet i Naturvernforbundet i Sogn og Fjordane, og kunne bidra etter kompetanse på ulike saksfelt. Den tilsette må ha tilhald i Sogn og Fjordane, men er fleksibel på kva kommune du vil ha kontorplass. Per i dag har organisasjonen tilsett med kontorplass i Sogndal. Lønn etter kompetanse og avtale. Vi har gode pensjons- og forsikringsordningar og kan tilby ein fleksibel arbeidskvardag med gode avspaseringsordningar og fleksitid. Stillinga inneber følgande oppgåver: <ul><li> Prosjektleiing - ha ansvar for eitt av fylkeslaga sine prosjekt inkl. organisering av aktivitet i samarbeid med andre tilsette og frivillige i lokal- og fylkeslag, skrive prosjektsøknader og rapportere på prosjektmidlar. </li><li> Lage innhald til nettside, magasin og sosiale media </li><li> Søke om prosjektstøtte for vidareutvikling av prosjekt, eller oppstart av nye prosjekt </li><li> Vere ein sparringspartnar i organisasjonen sitt miljøpolitisk arbeid </li></ul> </section> <section id="arb-tilbyr"> <h2>Vi tilbyr</h2> <ul><li> Moglegheit til å jobbe mot ei bærekraftig og naturvenleg framtid </li><li> Lønn etter kompetanse og avtale </li><li> Gode pensjons- og forsikringsordningar </li><li> Gode moglegheiter til å forme eigen arbeidskvardag. </li><li> Kontorplass ein stad i Sogn og Fjordane. </li><li> Moglegheit til reising i jobben (i hovudsak i Sogn og Fjordane). </li><li> Fagmiljø og fellesskap gjennom Naturvernforbundet sentralt og med fylkesstyret. </li><li> Samarbeid med andre organisasjonar med samanfallande interesser. </li><li> Moglegheit for utviding av stilling dersom finansiering kjem på plass. </li></ul> </section>