Vikariat rådgivar/seniorrådgivar plan

STATSFORVALTAREN I ROGALAND · Lagårdsveien 44, STAVANGER

<h2>Om stillinga</h2><p>Miljøvernavdelinga hos Statsforvaltaren er regional statleg miljøvernmynde og arbeider for gjennomføring av nasjonal miljøvernpolitikk i Rogaland. Vi arbeider mellom anna med naturvern, naturforvaltning, forureining, fråsegn til regionale og kommunale planar etter plan- og bygningslova. Avdelinga har 36 tilsette med stort engasjement for miljø, natur, klima og plan. Miljøvernavdelinga samordnar planarbeidet vårt internt.</p><p>Statsforvaltaren i Rogaland skal gjennom dialog og skriftlege fråsegn, formidle styringssignal og nasjonale forventningar til kommunale og fylkeskommunale planar. Vi skal også samordne våre fråsegn med andre statlege regionale instansar. </p><p>Stillinga inngår i embetet si plangruppe der alle avdelingane våre samarbeider tett om fråsegn til og rettleiing i kommunane sitt arbeid med kommuneplanar, reguleringsplanar og anna planarbeid etter plan- og bygningslova.</p> <p>Miljøvernavdelinga har ledig eit års vikariat med moglegheit for forlenging som rådgivar/seniorrådgivar innan plan. Det er ønskeleg med tiltreding så snart som råd.</p><br /><h2>Arbeidsoppgåver</h2><p>Aktuelle arbeidsoppgåver for stillinga er:</p><ul><li>sakshandsaming av plansaker og byggesaker med dispensasjon</li><li>formidling av nasjonal og regional politikk knytt til arealforvaltning i kommunale og regionale planprosessar</li><li>rettleiing og dialog med kommunane</li><li>samarbeid med regionale og statlege sektorstyresmakter</li><li>informasjonsarbeid i form av foredrag på seminar og møter<br /> </li></ul><p>Gjennom fråsegn til og dialog om kommunale planar, skal miljøvernavdelinga ivareta naturverdiar, hindre forureining og ta klima og andre miljøomsyn i plan. Berekraftig byutvikling inkludert bustadsosiale omsyn, samfunnstryggleik, folkehelse og universell utforming er andre tilgrensande omsyn som skal integrerast i fråsegn til planar. Du vil få jobbe med svært varierte problemstillingar saman med engasjerte medarbeidarar på miljøvernavdelinga, og elles i embetet.</p><br /><h2>Kvalifikasjonskrav</h2><p>Vi ønskjer oss ein dyktig og samfunnsengasjert medarbeidar som</p><ul><li>har relevant utdanning på mastergradsnivå eller høgare, med fagleg tyngde innan arealplanlegging og plan- og bygningsrett. Utdanning på lågare nivå kan kompenserast med relevant erfaring</li><li>har erfaring frå til dømes arealplanlegging, samfunnsplanlegging, byggesaksbehandling, samfunnsgeografi, naturkompetanse innan plan eller forureining</li><li>har GIS/kartkompetanse</li><li>trivst med tverrfagleg arbeid</li><li>uttrykkjer seg klart skriftleg og munnleg, på begge målformer</li></ul><p><strong>Personlege eigenskapar</strong></p><p>Vi ser etter deg som: </p><ul><li>samarbeider godt og byggjer gode relasjonar </li><li>er strukturert, sjølvstendig, løysningsorientert og har god gjennomføringsevne</li><li>har ein trygg og tydeleg kommunikasjon </li><li>trivst med varierte oppgåver og ansvar </li></ul><p>Vi legg vekt på at du er personleg eigna for stillinga.</p><br /><h2>Vi tilbyr</h2><ul><li>lønn som rådgivar/seniorrådgivar,  kr 620 000 - kr 750 000 pr år, avhengig av kvalifikasjonar og erfaring. For særleg godt kvalifiserte kan høgare lønn vurderast </li><li>fleksibel arbeidstid og gode arbeidsvilkår i staten </li><li>god pensjonsordning (det blir trekt 2% pensjonsinnskot frå lønna) gruppelivsforsikring og moglegheit for bustadlån gjennom Statens pensjonskasse. Les meir om ansatt godane på spk.no/medlemskap-i-spk </li><li>gode høve til fagleg utvikling og til å utvikle fagleg nettverk</li><li>varierte, interessante og samfunnsnyttige arbeidsoppgåver </li><li>triveleg arbeidsmiljø i Statens Hus sentralt i Stavanger</li><li>HjemJobbHjem-ordning</li><li>6 månaders prøvetid </li></ul><p><strong>Mangfold og inkludering</strong> </p><p>Vi ønskjer eit mangfaldig arbeidsmiljø og oppmodar kvalifiserte kandidatar til å søkje, uavhengig av bakgrunn. Vi legg til rette ved behov.</p><br /><h2>Slik søkjer du</h2><p>Alle som søkjer stillinga, må søke digitalt gjennom rekrutteringsportalen Jobbnorge. Du må laste opp relevante vitnemål og attester. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå NOKUT. </p><p> Offentleg søkjerliste utarbeidast etter søknadsfristens utløp. Dersom du ønskjer å reservere deg frå oppføring på offentleg søkjerliste må dette grunngjevast. Du vil få varsel om reservasjon ikkje tas til følgje.</p><br />